М.Энхболдын ангийнхны 40 гаруй нь шинэ гишүүд. Товчхондоо, урлаг соёл, утга зохиол, сэтгүүлзүй, бизнесийн салбараас төр түшилцэх их үйлсэд нэгдэж, аяны дөрөө харшуулж буй хүмүүс. Цоо шинэхэн диплом өвөртөлсөн залуус гэдэг шиг гишүүний тангаргаа өргөөд хэдхэн сар болж буй шинэ гишүүдэд энэ удаагийн намрын чуулган “танилцах дадлага” байсан гэхэд болно.

Төрийн тэргүүнээс өгсүүлээд Төрийн шагналт нийтлэлч, төмөр ган үзэгтэн сэтгүүлчид, түмний нэгэн төлөөлөл гээд утааны эсрэг уур бухимдлаа илэрхийлээгүй хүн үлдээгүй шинжтэй. Утааны эсрэг ядаж нэг удаа чангахан найтаалгаагүй бол Улаанбаатарын иргэн гэдгээ нотлохгүй шинжтэйдэг шүү. Надад ч бас энэ асуудалд “хошуу нэмэх” хонины ээлж оногдсон нь энэ.